د علیپور په قرارګاه کې ایرانۍ ښځې نه دي نیول شوې

False Military

د ټولنیزو رسنیو کاروونکو پخواني انځورونه خپاره کړي او ادعا یې کړې ګواکې دا چې افغان امنیتي ځواکونو د عليپور قرارګاه کې ایرانۍ ښځې نیولې دي.

ادعا

د ټولنیزو رسنیو کاروونکي د روان کال د حمل پر ۴مه نېټه ادعا کړې ده چې افغان امنیتي ځواکونو د عليپور په قرارګاه کې ایرانۍ ښځې نیولې چې د سپاه پاسداران سره اړیکې لري. دغه پوسټ په لس هاوو ځلې په فېسبوک کې شریک شوی دی. 

د دغو کاروونکو په خبره، د ایران سپاه پاسداران جاسوسانو کلونه کیږي چې په افغانستان کې لاسوهنه کوي او د شیعه مذهب پیروانو د حاکمیت لپاره کار کوي.

Graphical user interface, application

Description automatically generated

د فېسبوک د یوه کاروونکي پوسټ

د فېسبوک پوسټ لېنک

د پېښې اروزنه

مونږ د ګوګل تصویر برعکس موندنې (Google Reverse Image Search) له لارې پر دغو عکسونو باندې څېړنه وکړه. په پای کې مو وموندله چې دا تصویرونه پخواني دي او په ۲۰۱۲ زیږدیز کال یعنې نهه کاله وړاندې اخستل شوي دي. دا عکسونه د افغان امنیتي ځواکونو له خوا د شپنیو عملیاتو تر سره کولو تمرین پورې اړوند دی.

Graphical user interface, application

Description automatically generated

تقریب خبري اژانس

په دې وېبپاڼه کې لیدل کیږي چې دا عکسونه په ۲۰۱۲ کال کې خپاره شوي دي. 

د وېبپاڼې لېنک

له بلې خوا رویټرز خبري اژانس هم په خپل یو راپور کې دې ته ورته انځورونه یې خپاره کړي دي او ویلي یې دي چې افغانې ښځینه امنیتي سرتیري د شپنیو عملیاتو د تمرین تر سره کولو پر مهال. دغه راپور ۹ کاله وړاندې خپور شوی دی.

Graphical user interface, application, Teams

Description automatically generated

د رویټرز خبري اژانس راپور 

د رویټرز د راپور لېنک

پایله

په ټولنیزو رسنیو کې چې کومه ادعا د علیپور په قرارګاه کې د ایرانۍ ښځو نېول کېدلو په اړه شوې، ناسم دی. خپاره شوي انځورونه د افغان ښځینه امنیتي ځواکونو نظامي تمرین ښيي چې په ۲۰۱۲ کال کې اخستل شوي دي.

ځواب دلته پرېږدئ

ستاسو برېښناليک به نه خپريږي.