په فېسبوک کې یو انځور شریک شوی چې ادعا شوې ګواکې د کابل په یوه چاودنه کې د طالبانو په حکومت کې د امنیه قوماندانۍ پخوانی ویاند جنرال مبین وژل شوی دی.
تاسو کولی شئ لاندې فیسبوک پوسټ وګورئ:
د فیسبوک پوسټ ادعا کې لیکل شوي: «کابل په خیرخانی سیمه کي د مبین جنرال په موټر چسپکی ماین چاودنه کړی چي مبین جنر.ال په دغه برید کې وژل شوی».
خو د فاکټ کرېسینډو موندنې ښیي چې د فیسبوک پوسټ ادعا ناسمه ده او شریک شوی عکس پخوانی دی. که څه هم د کابل په خیرخانې کې د مقناطیسي ماین چاودنه شوې وه خو جنرال مبین پکې نه دی وژل شوی.
د حقیقت پلټنه
مونږ د حقیقت موندلو لپاره پر نوموړي انځور د ګوګل برعکس پلټنه تر سره کړه. په پایله کې مو وموندله چې دا عکس پخوانی دی.
دا انځور په کابل کې د هغې چاودنې پورې تړاو لري چې په ۲۰۲۱ کال کې د فبرورۍ میاشت کې را منځ ته شوې وه.دا انځور په کابل کې د هغې چاودنې پورې تړاو لري چې په ۲۰۲۱ کال کې د فبرورۍ میاشت کې را منځ ته شوې وه.
له بلې خوا مونږ د مبین خان تویتر ته ورغلو او هغه په تویتر کې اوس هم فعالیت کوي. له دې څخه ښکاري چې نوموړی ژوندی دی.
پایله
له پورتنیو څېړنو څخه څرګندیږي چې په کابل کې د وروستۍ چاودنې په تړاو پخوانی انځور شریک شوی دی. د طالبانو د امنیه قوماندانۍ پخوانی ویاند جنرال مبین په دې برید کې نه دی وژل شوی.
سرلیک: په کابل کې د وروستۍ چاودنې په تړاو ناسمه ادعا او پخوانی انځور شریک شوی
د واقعیت ارزوونکی: Fact Crescendo Teamپایله: False
