داعش ته اړوند دا کس په دې وروستیو کې نه دی نیول شوی

Misleading Security

په ټولنیزو رسنیو کې د یوه ځوان عکس خپور شوی دی او ادعا شوې چې ګواکې داعش ته اړوند دا کس په دې وروستیو کې په جلال آباد کې نیول شوی دی.

زمونږ موندنې ښيي چې دا کس په جلال آباد کې پخوا نیول شوی وو او دا پېښه په دې وروستیو کې نه ده شوې.

تاسو کولی شئ لاندې فېسبوک پوسټ وګورئ:

Facebook Archive

په فېسبوک پوسټ کې لیکل شوي: « په جلال اباد ښار کې د داعش ډلې یو تن ځانمرګي بریدګر نیول شوي چې غوښتل یی ننګرهار ښار کې چاودنه وکړي.
ځانمرګې بریدګر وایی چې د پاکستان د پوځ لخوا تربیه شوی وم او د پاکستان د پوځ په مرسته جلال اباد ته داخل شوم.»

راځئ چې په اصلي حقیقت پوه شو.

حقیقت موندنه

مونږ د حقیقت موندلو لپاره پر دې انځور د ګوګل برعکس پلټنه تر سره کړه. په پایله کې مو وموندله چې دا کس د داعش وروستی ځانمرګی بریدګر پورې اړه نه لري.

دا عکس د داعش غړي پورې اړه لري خو په ۲۰۲۰ میلادي کال کې د ډسمبر په میاشت کې په جلال آباد کې نیول شوی وو. 

د ځینو راپورونو له مخې، دا کس تسل عزیز نومیږي چې په جلال آباد کې د داعش ډلې جلب او جذب په تور د افغان امنیتي ځواکونو له خوا نیول شوی وو. دا کس په ۲۰۲۰ میلادي کال کې نیول شوی وو، نه په دې وروستیو کې.

د نورو جزیاتو لپاره، لاندې لېنک وګورئ:

Link 1  Archive 1

Link 2  Archive 2

Twitter   Archive

پایله

له پورتنیو څېړنو څخه څرګنده شوه چې فېسبوک پوسټ په بشپړه توګه تېر اېستونکی او ناسم دی.

دا کس داعش پورې اړوند دی خو په دې وروستیو کې نه دی نیول شوی.

دا کس په جلال آباد کې په ۲۰۲۰ میلادي کال کې د ډسمبر په میاشت کې نیول شوی وو.

Avatar

سرلیک: داعش ته اړوند دا کس په دې وروستیو کې نه دی نیول شوی

د واقعیت ارزوونکی: Fact Crescendo Team 

پایله: Misleading

ځواب دلته پرېږدئ

ستاسو برېښناليک به نه خپريږي.