ایا د طالبانو حکومت د رسمیت پېژندنې په تړاو تر اوسه کومه نړیواله غونډه شوې؟

False Political

د خواله رسنیو یو شمېر کاروونکو ادعا کړې چې ګواکې یوه نړیواله غونډه د طالبانو د اوسني حکومت رسمیت پېژندنې په تړاو جوړه شوې ده تر څو د طالبانو حکومت په رسمیت وپېژندل شي.

خو د فاکټ کرېسیڼدو پلټنې ښيي چې دا انځور پخوانی دی او د قطر غونډې پورې تړاو لري. تر اوسه هېڅ کومه غونډه د طالبانو د حکومت رسمیت پېژندنې په تړاو نه ده شوې.

د «کابل نیوز» په نوم یوې جعلې فېسبوک پاڼې لیکلې: «هیله بښونکی خبر، د افغان حکومت د رسمیت پیژندنی نړیوالو غونډه روانه ده، ښایی نږدی ساعتونو کی حکومت په رسمیت وپیژندل شی».

فېسبوک پسټ/ ارشیف لېنک

یوې بلې فېسبوک پاڼې هم ورته ادعا یې کړې.

فېسبوک پسټ/ ارشیف لېنک

حقیقت موندنه

مونږ لومړی پر دغه انځور د ګوګل برعکس پلټنه تر سره کړه. د پلټنو په پایله کې مالومه شوه چې دا انځور پخوانی دی او د قطر غونډې پورې تړاو لري.

دا انځور په دوحه کې د طالبانو او امریکایانو تر منځ د مذاکرې په تړاو په بېلا بېلو وختونو کې خپور شوی دی.

دویچه ویله پښتو دا انځور یې د ۲۰۱۹ میلادي کال د اګست په ۲۸ له یوه راپور سره خپور کړی دی. د راپور په سرلیک کې راغلي: «دوحه: طالبان او امریکایي مرکچیان وروستي توافق ته نزدي شوي».

دویچه ویله راپور/ ارشیف لېنک

له بلې خوا تر اوسه هېڅ کومې رسنۍ د طالبانو د حکومت رسمیت پېژندنې په تړاو د کومې نړیوالې غونډې د جوړېدو خبر نه دی ورکړی.

د یادولو ده چې تر اوسه هېڅ کوم هېواد د طالبانو حکومت یې په رسمیت نه دی پېژندلی.

پایله

له پورتنیو څېړنو څخه څرګندیږي چې تر اوسه د طالبانو د رسمیت پېژندنې په تړاو کومه نړیواله غونډه نه ده جوړه شوې. په دې تړاو خپور شوی انځور پخوانی دی چې د قطر غونډې پورې تړاو لري.

Avatar

سرلیک: ایا د طالبانو حکومت د رسمیت پېژندنې په تړاو تر اوسه کومه نړیواله غونډه شوې؟

د واقعیت ارزوونکی: Fact Crescendo Team 

پایله: False

ځواب دلته پرېږدئ

ستاسو برېښناليک به نه خپريږي.