د ټولنیزو رسنیو یو شمېر کاروونکو د پخوانۍ خبریالې مینه منګل د جسد عکس په خپرولو سره ادعا کړې چې ګواکې مدني فعاله او په تېر حکومت کې د پکتیا ولایت د ځوانانو د پارلمان غړې ناهیده حکیمي منګل له نه معلومو کسانو لخوا په ډزو کې وژل شوې ده.
د ټولنیزو رسنیو یو شمېر کاروونکود مدنې فعالې ناهیده منګل د وژنې خبر خپور کړي دي.
تاسو کولای شی يو داسې ادعا دلته وګورئ:
د فېسبوک پوسټ ادعا کوي چې ګواکي
ناهيده حکيمي منګل په کابل کى د نامعلومه کسانو لخوا ويشتل شوي.
په هرصورت، د فیکټ کریسینډو موندنې ښیي چې دا انځور د مینه منګل پورې تړاو لري او د ناهیدې منګل د وژنې راپورونه ناسم دي.
راځئ چې د فیسبوک د ادعاوو تر شا حقیقت ومومئ!
د حقیقت معاینه
مونږ د حقیقت موندنې لپاره پر شريک شوي عکس د ګوګل برعکس پلټنه تر سره کړه. په پایله کې مو وموندل چې د وژل شوې مېرمن دا عکس د پخوانۍ ویاندې مینه منګل پورې تړاو لري.
آغلې مینه منګل په ۲۰۱۹ کال کې د مې په میاشت کې د نامالومو وسلوالو له خوا په کابل کې ووژل شوه. مینه منګل د آریانا تلویزیون ویانده او په تېر حکومت کې د پارلمان فرهنګي مشاوره وه.
د اغلې مینه منګل تصویر د ‘www.pasbanan.com’ وېبپاڼې له خوا خپور شوی.
مونږ پر دې سربېره، په ګوګل کې د کلیدي کلمو پلټنه هم تر سره کړه. خو داسې کوم راپور مو ونه مونده چې په هغه کې د ناهیده منګل د وژنې خبر ورکړل شوی وی. د «خبریال» وېبپاڼې د ۲۰۲۱ کال د جنورۍ په میاشت کې له هېواد څخه د ناهیده منګل د تللو خبر خپور کړی دی.
په خبر کې راغلي چې ناهیده منګل افغانستان پرېښوده. د راپورونو له مخې، له هېواد نه د ناهیدې د تللو لامل امنیتي ګواښونه ښودل شوی ده.
همدارنګه مو د ناهیده منګل د ټولنیزو رسنیو اکاونټونه هم وڅیړل او وموندله چې هغه اکثرا په خپلو ټولنیزو رسنیو کې فعاله ده چې دا ښیي چې هغه ژوندۍ ده او همدارنګه د نایده منګل په اړه د کومې بدمرغه پیښې په اړه رسنیو راپور نه دی ورکړی.
پایله
له پورتنیو څېړنو څخه څرګندیږي چې ناهیده منګل نه ده وژل شوې. د هغه په تړاو د جسد عکس د آریانا تلویزیون ویاندې مینه منګل پورې تړاو لري.
