د هغه سړی انځور چې د ځان وژنې هڅه یې کړې وه داسې خپور شوی چې ګواکې طالبان یو هزاره کس اعداموي

False Security

د طالبانو په لاس د افغانستان له سقوط راهیسې د طالبانو د ظلم او شکنجې یو شمېر وېډیوګانې په ټولنیزو رسنیو کې لاس په لاس شوي دي. 

په دې لړ کې یو شمېر ناسم خبرونه هم په خواله رسنیو کې خپاره شوي دي. په دې وروستیو کې یو انځور خپور شوی چې ادعا شوې ګواکې یو کس د هزاره قوم اړوند د طالبانو له خوا په دار ځړول شوی دی.

خو زمونږ موندنې ښيي چې دا کس په ۲۰۱۸ میلادي کال کې په تخار کې د ځان وژنې هڅه کړې وه او انځور اوسنی نه دی. 

تاسو کولی شئ چې لاندې تویت وګورئ:

Twitter   Archive

په یو تویت کې راغلي: « طالبانو د هزاره د قوم اړوند یو سړی د هغه زوی تر مخ په دار ځړولی دی. د هزاره ګانو وژنه له ۱۹ پېړۍ راهیسې روانه ده».

حقیقت موندنه

مونږ د ادعا او شریک شوي عکس په تړاو په ګوګل کې پلټنه تر سره کړه. په پایله کې مالومه شوه چې دا عکس د هغه کس پورې اړه لري چې په ۲۰۱۸ میلادي کال کې د تخار په ولایت کې د ځان وژنې هڅه کړې وه. 

دا کس د دولت د نه پاملرنې له امله خپل ځان د تخار ولایت دفتر مخې ته ځړولی وو. دا کس هغه مهال ادعا کړې وه چې ګواکې یو شمېر کسان په تخار کې د ده ځمکه نیولې ده.

په راپور کې راغلي چې دا کس شاه محمود نومیږي چې د ځایي خلک له خوا یې د ځان وژنې مخه نیولې وه.  

تاسو کولی شئ چې د «بي بي سي» لاندې راپور وګورئ:

BBC Persian   Archive

Archive      Middle East Press

له بلې خوا په دې اړه کولی شئ چې د آزادۍ راډیو دا وېډیو وګورئ:

Facebook  Archive

د نورو مالوماتو لپاره کولی شئ چې لاندې لېنکونو ته ورشئ:

Altspress   Archive

پایله

له پورتنیو څېړنو څخه څرګنده شوه چې دا کس د طالبانو له خوا په دار نه دی ځړول شوی. دا سړي څو کاله وړاندې په تخار ولایت کې د ځان وژنې هڅه کړې وه.

Avatar

سرلیک: د هغه سړی انځور چې د ځان وژنې هڅه یې کړې وه داسې خپور شوی چې ګواکې طالبان یو هزاره کس اعداموي

د واقعیت ارزوونکی: Fact Crescendo Team 

پایله: False

ځواب دلته پرېږدئ

ستاسو برېښناليک به نه خپريږي.