په ویډیو کليپ کې د طالبانو غړی او که یوه کورنۍ! حقیقت څه دی؟
څو تونليزو رسنيو کارکوونکو یوه ویډیو کلیپ له دې ادعا سره شريک کړي دي چې د طالبانو یوه غړي د جنسي اعمالو د ترسره کولو لپاره له پوځي موټر څخه کار اخیستی. د ټولنیزو رسنیو کاروونکو د موټر چلوونکي نیوکه کړې چې له خپلې ملګرې سره یې د تفریح لپاره پوځي موټر کارولی و.
د حقیقت معاینه:
د موټر چلوونکي څرګنده کړه چې هغه د طالبانو غړی نه دی. هغه دا هم روښانه کړه چې دا ویډیو د هغه د کورنۍ یو غړي لخوا ثبت شوې کله چې دوی یوې غونډې ته روان وو.
وروسته له دې چې ادعا شوې ویډیو په ټولنیزو رسنیو کې خپره شوه، د موټر چلوونکي فیروز خان له یوټیوب چینل سره په مرکه کې څرګنده کړه چې هغه د طالبانو غړی نه دی او په مزارشریف کې اوسیږي او د میخانیک په توګه کار کوي.
له يو یوټیوب چینل سره په مرکه کې فیروز خان ویلي، چې خپره شوې ویډیو یې د کورنۍ یوه غړي هغه مهال ثبت کړې وه، چې د کورنۍ له غړو سره د واده مراسمو ته روان و. هغه دا هم ومنله چې هغه نظامي موټر د سفر لپاره کارولی و چې د ترمیم لپاره ورته راغلی و.
هغه دا هم یادونه وکړه چې اصلي ویډیو یو کال دمخه ثبت شوې وه او پدې وروستیو کې شریکه شوې ویډیو په پراخه کچه ایډیټ شوې.
فیروز خان زیاته کړه چې وروسته له دې چې ویډیو خپره شوه طالبانو ترې په دې اړه پوښتنې ګروېږنې کړې دي.
پايله:
د ویدیو چلوونکي پخپله څرګنده کړه چې هغه د طالبانو غړی نه دی او د میخانیک په توګه کار کوي او ویډیو په داسې حال کې ثبت شوې چې له خپلې کورنۍ سره د واده مراسمو ته روان و.
عنوان: په ویډیو کليپ کې د طالبانو غړی او که یوه کورنۍ! حقیقت څه دی؟
بررسی واقعیت توسط: Fact Crescendo Teamنتیجه: Insight
