په اسلام آباد کې یو پښتو خبریال طاهر خان په یوه تویت کې ویلي ګنې د ملي امنیت سلاکار حمدالله محب له زلمي خلیلزاد سره د امریکا په سفارت کې لیدلي. په داسې حال کې چې ښاغلي خلیلزاد د ملي امنیت شورا په دفتر کې له حمدالله محب سره لیدلي او د امنیتي وضعیت او د سولې هڅو د پرمختګ په هکله یې خبرې اترې کړي.
ادعا
په اسلام آباد کې مېشت پښتو خبریال طاهر خان د ۲۰۲۰ زیږدیز کال د مارچ په ۷مه ادعا کړې چې د افغانستان سولې لپاره د امریکا ځانګړی استازی زلمي خلیلزاد د ملي امنیت شورا د سلاکار حمدالله محب سره د امریکا په سفارت کې لیدلي. ده لیکلي: «وړاندې داسي ويلي کيدل امریکا دملي امنیت سلاکار حمدالله محب سرہ اړیکی شلولي دی ولی نن محب د سولې لپاره د امریکا له استازي خلیلزاد سرہ پہ امریکائی سفارت کی ولیدل.»
د طاهرخان تویت
د پېښې ارزونه
مونږ د دې ادعا په اړه څېړنه وکړه او د ملي امنیت شورا د دفتر نور خبرونه مو له نظره تېر کړل. له څېړنې څخه وروسته دا مالومه شوه چې دغه ودانۍ د ملي امنیت شورا دفتر دی، نه د امریکا سفارت.
د ملي امنیت شورا په نورو خبرونو کې هم د ورته ځای عکس اخستل شوی دی چې د ملي امنیت شورا د دفتر ښکارندويي کوي. له بلې خوا څخه په دې عکس کې د امریکا بیرغ هېڅ نه لیدل کیږي.
د ملي امنیت شورا تویت
د ملي امنیت شورا سلاکار حمدالله محب یوه ناسته
له بلې خوا طاهرخان بیا په خپل تویت کې د دغې تېروتنې بښنه غوښتنې او په دې اړه یې وضاحت ورکړی دی. ده لیکلي: «ملاقات پہ ارگ کی شوی دی پہ سفارت کی نہ۔۔ ما غلطی کړی»
د طاهرخان تویت
پایله
کومه ادعا چې په اسلام آباد کې مېشت پښتو خبریال طاهر خان د زلمي خلیلزاد او حمدالله محب د لیدنې ځای په اړه کړې، ناسم دی. حمدالله محب او زلمي خلیلزاد د ملي امنیت شورا په دفتر کې سره لېدلي، نه د امریکا په سفارت کې.
