یو فیسبوک پوسټ په ټولنیزو رسنیو کې په پراخه کچه له دې ادعا سره خپور شوی چې پښتو مشهوره خبریاله او اداکاره نجیبه فیض په دې وروستیو کې په پاکستان کې په یوه ترافیکي پیښه کې مړه شوې ده.
تاسو کولی شئ لاندې د فیسبوک پوسټ وګورئ؛
په فیسبوک پوسټ کې ادعا شوې چې ګواکي د پښتو مشهورې خبریالې نجیبه فیض په پاکستان کې په یوه ترافیکي پېښه کې وژل شوې ده.
په هرصورت، د فیکټ کریسینډو موندنې ښیي چې د فیسبوک پوسټ دروغ دی ځکه چې نجیبه فیض ژوندۍ او روغه ده.
د حقیقت معاینه
د فیسبوک د ادعا تر شا د حقیقت موندلو لپاره، موږ د نجیبې فیض د مړینې د جعلي ادعا د ملاتړ لپاره د زیانمن شوي موټر عکس په اړه د ګوګل د عکس العمل لټون په کارولو سره خپلې پلټنې پیل کړې.
د پلټنو په جریان کې موږ وموندله چې د زیانمن شوي موټر یو پخوانی او غیر اړونده عکس د ګمراه کونکو ادعاګانو سره شریک شوی.
د یوه ویجاړ شوي موټرعکس چې د نجیبې فیض د ترافیکي پېښې د جعلي ادعاوو د تائید لپاره شریک شوی، په حقیقت کې پخوانی دی او له داسې ادعا شوې کومې پېښې سره تړاو نه لري.
عکس په حقیقت کې درې کاله پخوانی دی. د Yeniavaz.com په نوم د یوې ویب پاڼې لخوا په اذربایجاني ژبه کې د یوې مقالې له مخې، دا عکس په ۲۰۱۹ کال کې د اذربایجان په ګوبستان ولسوالۍ کې د یوې جدي ترافیکي پیښې وروسته اخیستل شوی.
د ټولنیزو رسنیو د ادعاوو د کره والي د معلومولو لپاره مو د خبریالې او اداکارې نجیبې فایز د ټولنیزو رسنیو اکاونټونه هم وڅیړل او وموندله چې نوموړې په پرله پسې ډول په ټولنیزو رسنیو کې فعاله ده، چې دا په ډاګه کوي چې هغې له داسې بد حادثه سره نه ده مخامخ شوې او هغه ژوندۍ ده.
نو دا څرګنده ده چې د ټولنیزو رسنیو ادعاګانې دروغ دي.
پایله
له پورته څېړنو څخه څرګنده شوه چې د فېسبوک ادعا ناسمه ده ځکه چې خبریاله او اداکاره نجیبه فیض له کومې ترافیکي پېښې سره نه ده مخامخ شوې او ژوندۍ ده.
سرلیک: اداکاره او خبریاله نجیبه فیض په ترافیکي پیښه کې نه ده مړه شوې.
د واقعیت ارزوونکی: Fact Crescendo Teamپایله: Misleading
