استاد منګل نه دی مړ شوی

Art False

د ټولنیزو رسنیو یو شمېر کاروونکو او ځیني رسنۍ په ناسمه توګه ادعا کړې ګواکې دا چې د پښتو ژبې سندرغاړی منګل استاد مړ شوی دی.

ادعا

یو شمېر رسنۍ او د ټولنیزو رسنیو یو شمېر کاروونکو د روان کال د جوزا په ۱۳مه ادعا کړې چې د پښتو ژبې نامتو سندرغاړی استاد منګل چې د ښاپیرۍ نغمې پخوانی خاوند وو، وفات شوی دی. د “Nan 99.9 FM” فېسبوک پاڼې لیکلې چې استاد منګل له دې فاني نړۍ څخه سترګې پټې کړې.

فېسبوک/ آرشیف لېنک

دا خبر د فېسبوک د نورو کاروونکو تر منځ هم لاس په لاس شوی دی.

فېسبوک/ آرشیف لېنک

یک تلویزیون او خامه پریس هم دا خبر یې خپور کړی وو خو وروسته یې بېرته پاک کړی دی. 

A picture containing text, person

Description automatically generated

آرشیف لېنک

خامه پریس لیکلي وو: «منګل استاد د ناروغۍ له امله له هېواد نه بهر وفات شو».

A picture containing text, person, screenshot

Description automatically generated

د خامه پریس فېسبوک پاڼه

آرشیف لېنک

خامه پریس وروسته تر دې چې دا خبر ناسم ثابته شو، خپل فېسبوک پست یې پاک کړی. خامه پریس په یو بل پست کې له لوستونکو او استاد منګل څخه د دې ناسم خبر خپرېدلو لپاره بخښنه غوښتې.

فېسبوک/ آرشیف لېنک

حقیقت موندنه 

زمونږ موندنې ښیي چې استاد منګل د دې خبر تر خپرېدلو پورې ( د ۲۰۲۱ کال د جون ۴مه) ژوندی دی او د هغه د مرګ خبر ناسم دی. پژواک خبري آژانس په یو پست کې د شفیق مرید له قوله لیکلي چې د استاد منګل د مرګ خبر ناسم دی. 

فېسبوک/ آرشیف لېنک

د استاد منګل د مرګ ناسم خبر ولې خپور شو؟

په لومړیو کې شفیق مرید چې د منګل استاد زوم دی، د خپلې عمه د وفات کېدلو له امله خپل د فېسبوک پروفایل تور رنګ ته واړول. هغه پرته له دې چې ووایي، عمه یې وفات شوې خپل د فېسبوک پروفایل یې تور رنګ ته واړوه. خلک داسې ګومان کاوه چې ګنې استاد منګل وفات شوی دی. ده بیا وروسته خپل پست اېډیټ کړی او لیکلي: «د مور په شان خوږه، مهربانه او ځوانه عمه جانه مې نیم ساعت مخکې په حق ورسېدله. د خپلې ټولې کورنۍ ته تسلیت وایم او په مړینې یې سخت خپه یم».

د شفیق مرید فېسبوک پاڼه

فېسبوک/ آرشیف لېنک

پایله

د استاد منګل د وفات خبر چې په یو شمېر رسنیو او ټولنیزو رسنیو کې لاس په لاس شوی دی، د ۲۰۲۱ کال د جون تر ۴مې پورې ناسم دی.

Avatar

سرلیک: استاد منګل نه دی مړ شوی

د واقعیت ارزوونکی: Fact Crescendo Team 

پایله: False

ځواب دلته پرېږدئ

ستاسو برېښناليک به نه خپريږي.