ایا د ولسمشرۍ دفتر له خوا د قرنطین طرحه رد شوې؟

Covid-19 False

د ټولنیزو رسنیو کاروونکو تر منځ یو ناسم خبر لاس په لاس کیږي ګواکې دا چې د ولسمشرۍ دفتر له خوا د کرونا ویروس د درېیمې څپې مخنیوي په موخه د ښوونځیو او پوهنتونونو د تړل کېدلو یو نیم میاشتنی طرحه رد شوې ده.

ادعا

د ټولنیزو رسنیو کاروونکو تر منځ یو خبر د روان کال د ثور په ۱۱مه لاس په لاس شوی دی ګواکې دا چې د عامې روغتیا وزارت له خوا د کرونا ویروس د درېیمې څپې د مخنیوي لپاره د قرنطین وړاندیز شوې طرحه د ولسمشرۍ ماڼۍ له خوا رد شوې ده. د «صفحه رسمی حسنا کریمی» په نوم یوه فېسبوک پاڼه لیکلي: « د پوهنتونونو او ښوونځیو ۴۵ ورځنی قرنطین طرحه د ولسمشرۍ له خوا رد شوه».

Graphical user interface, application

Description automatically generated

فېسبوکآرشیف لېنک

د «لوړو زده کړو وزارت کانکور ازموینو ریاست» په نوم هم یوه جعلي فېسبوک پاڼه دا خبر یې خپور کړی دی.

دا پاڼه لیکلي: «د ښوونځیو او پوهنتونونو د قرنطین طرحه د ولسمشرۍ ماڼۍ له خوا رد شوه».

دا خبر په لس هاوو ځلې فېسبوک کې لاس په لاس شوی دی.

Graphical user interface, text, website

Description automatically generated

فېسبوک/ آرشیف لېنک

حقیقت موندنه

د لوړو زده کړو وزارت ویاند مرستیال میرویس علیزی، طلوع نیوز ته ویلي: «د عامې روغتیا وزارت د کرونا ویروس د خپرېدلو مخنیوي په موخه یوه طرحه د لوړو زده کړو او ښوونیزو مرکزونو د تړلو لپاره د ولسمشرۍ ماڼۍ ته وړاندې کوي».

Graphical user interface, website

Description automatically generated

د طلوع نیوز راپور

د راپور لېنک/ آرشیف لېنک

وېډیو

د ښوونځیو او پوهنتونونو د تړل کېدلو طرحه داسې مهال د ولسمشرۍ دفتر ته وړاندې کیږي چې په هېواد کې د کرونا ویروس د درېیمې څپې وېره را منځ ته شوې ده. 

د لوړو زده کړو وزارت د دې طرحې په اړه څه نه دي ویلي.

پایله

د ټولنیزو رسنیو له خوا کوم خبر چې د ولسمشرۍ ماڼۍ له خوا د ښوونځیو او پوهنتونونو قرنطین د طرحې ردولو په اړه لاس په لاس شوی، ناسم دی. د عامې روغتیا وزارت مرستیال په وینا، دوی به ولسمشرۍ ماڼۍ ته دغه طرحه وړاندې کوي. تر اوسه دغه طرحه نه تایید شوې او نه هم رد شوې ده.

ځواب دلته پرېږدئ

ستاسو برېښناليک به نه خپريږي.