په ټولنییزو رسنیو کې د فیسبوک یو شمېر کاروونکو یوه ویډیو خپره کړې، چې پکې د پوځي نمایش وړاندې کولو صحنې ښکاري. د فیسبوک یادو کاروونکو دې ویډیو سره ادعا کړې، چې ګني دا د سوریې نوی پوځ دی، په داسې حال کې، چې دغه ویډیو د سوریې د پوځ نه، بلکې د لیبیا پوځي پاریډ ویډیو ده.
د بشپړ مطلب لپاره د فکټ کریسنډو دغه څېړنه کې ولولئ!
لومړی تاسې کولی شئ لاندې پوسټ د نمونې په توګه وګورئ. دوی د دې ویډیو سره لیکي: «د سوریې نوی پوځ».
رېښتیا څه دي؟
له دې ویډیو سره د فیسبوک یاد شمیر کارووکو ادعا دروغ ده. دا ویډیو د سوریې د نوي پوځ نده، بلکې د لیبیا د پوځي نمایش صحنې دي.
موږ ولې وایو، چې دا ویډیو د سوریې د پوځ نده؟
موږ د دې ویډیو څو منظم سکرین شاټونه په ګوګل ایمیج کې وپلټل او هلته مو د دې ویډیو اړوند نورې صحنې هم پیدا کړې، چې ثابته شوه، دغه ویډیو اصلاً د لیبیا د پوځي نمایش صحنې ښیي.
د لیبیا الحدت تلویزیون یوټیوب رسمي چینل څخه د لیبیا د پوځي پاریډ همدا صحنې او ویډیو خپره شوې، چې تاسې په لاندې توګه کتلی شئ.
د Lamp of Knoledge یوټیوب چینل هم دا صحنې خپرې کړي او ورسره یې لیکلي، چې د لیبیا پوځي پاریډ د روسي نوي پوځي تجهیزاتو سره.
همدا راز یو ټولنیز فعال په خپل ایکس پاڼه دا صحنې پوسټ کړې.
ارشیف
پایله: د فکټ کریسنډو څېړنو وښودله، چې دا ویډیو د سوریې د نوي پوځ نده، بلکې د لیبیا د پوځي نمایش صحنې دي.
ویډیو کې پوځي نمایش د سوریې نه، بلکې د لیبیا د ځواکونو دی. : TITLE
د واقعیت ارزوونکی: Fact Crescendo Teamپایله: False
