د ټولنیزو رسنیو یو شمېر کاروونکو د یوې مقبرې انځور یې خپور کړی او ادعا یې کړې چې ګنې دا د حضرت آدم قبر دی.
دا ادعا ناسم ده. دا انځور د حضرت عمران د مقبرې زیارت پورې اړه لري چې په عمان هېواد کې موقعیت لري.
ادعا
د ټولنیزو رسنیو یو شمېر کاروونکو د مقبرې یو انځور یې خپور کړی او ادعا یې کړې چې ګنې دا د حضرت آدم مقبره ده.
دا انځور په فېسبوک کې له پخوا راهیسې لاس په لاس شوی او په زرهاوو ځلې شریک شوی دی. د «بې پناه» په نوم یوې فېسبوک پاڼې دا انځور یې د ۲۰۱۸ کال د فبرورۍ په ۴مه خپور کړی دی. نوموړې فېسبوک پاڼې لیکلې: «د حضرت ادم علیه السلام مبارک قبر کوم بد بخت به یې نه شیر کوې شیریی کړئ چې تول نړۍ وګوري».
دا فېسبوک پست له نورو سره ۹ زره ۳۰۰ ځله شریک شوی دی.
دا انځور په دې وروستیو کې بیاځلې په فېسبوک کې لاس په لاس شوی دی. د «زرمینه محمدی» په نوم یوې فېسبوک پاڼې لیکلې: «دلته د حضرت آدم علیه السلام قبر دی. ګورم چې څوک یې شیر کوي».
دا فېسبوک پست له نورو سره ۳۷۶ ځلې شریک شوی دی.
د «تازه خبرونه» په نوم یوې بلې فېسوک پاڼې هم دا انځور یې حضرت آدم ته نسبت ورکړی دی.
حقیقت موندنه
مونږ پر دې انځور د ګوګل انځورونو او د ګوګل مهمو کلمو پلټنه تر سره کړه. په پایله کې مو وموندله چې دا انځور د حضرت آدم مقبرې پورې اړه نه لري.
دا انځور د حضرت عمران مقبرې پورې تړاو لري چې په د عمان هېواد په صلاله ښار کې موقعیت لري.
د دې مقبرې بل انځور دلته لیدلی شئ.
Prayed for #Yemen at 15 meter long tomb of Nabi Umran, 14th c Yemeni mystic buried in Salalah, Oman pic.twitter.com/Oq2Kj2IJTf
— Slavs and Tatars (@slavsandtatars) March 28, 2015
د عمان دولتي تلویزیزون په ۲۰۱۸ کال کې یو ویدیویي راپور یې په یوتیوب کې خپور کړی دی.
د دې راپور عنوان «د حضرت عمران مقبره، له صلاله څخه». دا راپور په عربي ژبه باندې خپور شوی دی.
پایله
د مقبرې هغه انځور چې په ټولنیزو رسنیو کې د حضرت آدم علیه السلام مقبرې په توګه لاس په لاس شوی، ناسم دی. دا انځور د حضرت عمران د مقبرې زیارت پورې اړه لري چې په عمان هېواد کې موقعیت لري.
