د پاکستان کومه الوتکه د ډېورنډ کرښې ته نږې نه ده ویشتل شوې

False International

په ټولنیزو رسنیو کې د الوتکې یو پخوانی انځور خپور شوی دی چې ادعا کوې ګواکې یوه پاکستانۍ الوتکه د ډیورنډ کرښې ته نږدې د افغان سرحدي ځواکونو له خوا ویشتل شوې ده. 

 تاسو کولی شئ لاندې فیسبوک پوسټ وګورئ:

فېسبوک پوست آرشيف لینک

 د فیسبوک پوسټ ادعا کې لیکل شوي: «تازه،

افغان سرحدی ځواک ډیورنډ ته څیرمه د پاکستان یوه جنګی طیاره رانسکوره کړی،

ویډیو کی لیدل کیږی کله چی طیاره کونړ ته راواوړی او بمبار کوی له هغی ورسته افغان سرحدی ځواک ویشتی».

 راځئ چې د ادعا او شریک شوي عکس تر شا حقیقت ومومو:

 حقیقت موندنه

مونږ پر نوموړي عکس باندې د ګوګل برعکس پلټنه تر سره کړه. په پایله کې مو وموندله چې دا عکس پخوانی دی. 

عکس لږ تر لږه د درې کاله وړاندې وخت پورې تړاو لري. 

مونږ په دې تړاو یو خبر ومونده چې د اوډل میډیا لخوا په ۲۰۱۹ میلادي کال کې د جولای په میاشت کې خپور شوی دی. په خبر کې همدا عکس هم خپور شوی دی. د راپور له مخې، هغه مهال د ایران هېواد اړوند یوه الوتکه د امریکا له خوا ویشتل شوې وه.

اودل ميډيا 

آرشف لينک

مونږ د ادعا په تړاو د کلیدي کلمو څېړنه هم وکړه خو داسې کوم راپور مو ونه مونده چې په ډيورنډ کې د پاکستان اړوند کومه الوتکه ویشتل شوې وي. 

له دې څخه څرګندیږي چې عکس پخوانی دی او د کومې وروستۍ پېښې پورې تړاو نه لري. 

 پايله

له پورتنیو څېړنو څخه څرګنديږي چې عکس پخوانی دی او د الوتکې دا انځور د پاکستان پورې اړه نه لري. د فېسبوک پوسټ ادعا ناسم ده او په دې وروستیو کې په ډیورنډ کې د پاکستان کومه الوتکه نه ده را غورځول شوې.

Avatar

سرلیک: د پاکستان کومه الوتکه د ډېورنډ کرښې ته نږې نه ده ویشتل شوې

د واقعیت ارزوونکی: Fact Crescendo Team 

پایله: False

ځواب دلته پرېږدئ

ستاسو برېښناليک به نه خپريږي.