د بادغیس ولایت د افغانستان ملي مقاومت جبهې له خوا نه دی سقوط شوی

False National

د ټولنیزو رسنیو یو شمېر کاروونکو او پاڼو ویلي چې ګواکې د بادغیس ولایت د «افغانستان د ملي مقاومت جبهې» له خوا د طالبانو د واکمنۍ پر مهال سقوط شوی دی.

خو زمونږ موندنې ښيي چې دا خبر ناسم دی او د بادغیس ولایت د افغانستان ملي مقاومت جبهې لاس ته نه دی غورځېدلی.

ادعا

د ټولنیزو رسنیو یو شمېر کاروونکو او پاڼې د روان میلادي کال د جنورۍ په ۱۷مه ادعا کړې چې ګواکې د بادغیس ولایت د افغانستان ملي مقاومت جبهې کسانو لاس ته غورځېدلی دی.

تاسو کولی شئ چې دا فېسبوک پسټ وګورئ:

فېسبوک پسټ/آرشیف لېنک

حقیقت موندنه

مونږ د حقیقت موندنې لپاره پر نوموړي انځورونو د ګوګل برعکس پلټنه تر سره کړه. زمونږ د پلټنې په پایله کې مالومه شوه چې دا انځورونه د بادغیس ولایت پورې تړاو نه لري.

لومړی انځور د بغلان ولایت اړوند د پلخمري چوک پورې اړه لري. تاسو کولی شئ چې د پلخمري د چوک انځور لاندې وګورئ:

فېسبوک لېنک/آرشیف لېنک

دوهم انځور د کابل پورې اړه لري. دا انځور هغه مهال اخستل شوی دی چې څو ورځې وړاندې کابل کې یوه چاودنه را منځ ته شوه. دا انځور د «کلید» راډیو په وېبپاڼه کې خپور شوی دی.

د وېبپاڼې لېنک/آرشیف لېنک

درېیم انځور هم د بادغیس ولایت پورې اړه نه لري. دا انځور په فاریاب کې د وروستیو لاریونونو پورې تړاو لري. دا لاریونونه څو ورځې وړاندې د یوه ازبک طالب د نیونې له امله په فاریاب کې را منځ ته شوي وو. د دغو لاریونونو ځیني انځورونه په ټولنیزو رسنیو کې خپاره شوي دي.

تاسو کولی شئ چې دا انځور دلته وګورئ:

له بلې خوا مونږ په ګوګل کې د کلیدي کلمو پلټنه وکړه خو داسې کوم خبر مو ونه مونده چې ګواکې د بادغیس ولایت دې سقوط کړی وي.

پایله

له پورتنیو څېړنو څخه څرګنديږي چې د بادغیس ولایت د طالبانو د واکمنۍ پر مهال سقوط نه دی کړی او نه هم د «افغانستان د مقاومت جبهې» کسانو ته په لاس ورغلی دی.

Avatar

سرلیک: د بادغیس ولایت د افغانستان ملي مقاومت جبهې له خوا نه دی سقوط شوی

د واقعیت ارزوونکی: Fact Crescendo Team 

پایله: Misleading

ځواب دلته پرېږدئ

ستاسو برېښناليک به نه خپريږي.