په ټولنيزو رسنيو کې يې پوسټ شریک شوی دی چې ادعا كوي ګواکې د افغانستان پخوانی ولسمشر محمد اشرف غني هند ته تللی دی چې له هغه ځای څخه به کابل ته راشي.
ادعا
یو فېسبوک پست په پراخه توګه شریک شوی دی چې ادعا یې کړې ګواکې د افغانستان پرځول شوی ولسمشر محمد اشرف غني هند ته تللی او هلته یې د دغه هېواد لومړي وزیر نرندرا مودي سره لیدلي دي.
له دې پسټ سره ۳ عکسونه هم شریک شوي دي.
تاسو کولی شئ دا فېسبوک پسټ لاندې وګورئ:
فېسبوک پست ادعا کړې:
ولسمشر غني نن ماښام د ځانګړې ځواکونو سره هندوستان ته راورسېده او له هغه ځايه څخه به کابل ته راځي.
د ټولنیزورسنیو ځینو کاروونکو یوه ایډیټ شوې ویډیو هم شریکه کړې چې ادعا یې کړې ګواکي محمد اشرف غني له ځانګړو ځواکونو سره هند ته تللی او له هغه ځای څخه به کابل ته راشي.
تاسو کولای شئ دا پسټ لاندې وګورئ:
حقیقت موندنه
مونږ په دې تړاو پر نوموړي انځورونو باندې د ګوګل د عکسونو پلټنه تر سره کړه. په پایله کې مو وموندله چې نوموړي عکسونه پخواني دي. دا عکسونه د نوموړي د یوه پخواني سفر پورې اړه لري چې په ۲۰۱۵ کال کې یې هندوستان ته کړی وو.
اشرف غني هغه مهال د اپریل په میاشت کې په یوه درې ورځني سفر باندې هند ته راغلی وو چې د هندي پلاوي له خوا یې تود هرکلی شوی وو.
هغه مهال ښاغلی غني د دغه درې ورځني سفر په ترڅ کې له خپل هندي پلاوي سره د سوداګرۍ، ترهګرۍ او یو شمېر نورو مهمو موضوعاتو په اړه خبرې کړې وې.
د اشرف غني د ۲۰۱۵ کال هند سفر په اړه کولای شئ نور مالومات لاندې ولولئ:
پایله
له پورتنیو څېړنو څخه څرګندیږي چې اشرف غني په دې وروستیو کې هند ته سفر نه دی کړی. په ټولنیزو رسنیو کې شوې ادعاوې بې بنسټه او درواغ دي.
سرلیک: په دې وروستیو کې اشرف غني هند ته نه دی تللی
د واقعیت ارزوونکی: Fact Crescendo Teamپایله: False
