پنجشیر ولایت ته د ملي مقاومت د جبهې مشر احمد مسعود راستنېدو په اړه ادعاوې حقیقت نلري!
وروسته له هغه، چې طالبان د ۲۰۲۱ کال اګسټ میاشتې په ۱۵مه نېټه کابل ته ننوتل، د ملي مقاومت جبهې د احمد مسعود په مشرۍ د طالبانو پر وړاندې د مقاومت اعلان وکړ، خو تر څو ورځو وروسته د دې جبهي ځیني کلیدي غړو او مشر یې احمد مسعود هېواد پرېښود او بهر هېوادونو ته […]
وروسته له هغه، چې طالبان د ۲۰۲۱ کال اګسټ میاشتې په ۱۵مه نېټه کابل ته ننوتل، د ملي مقاومت جبهې د احمد مسعود په مشرۍ د طالبانو پر وړاندې د مقاومت اعلان وکړ، خو تر څو ورځو وروسته د دې جبهي ځیني کلیدي غړو او مشر یې احمد مسعود هېواد پرېښود او بهر هېوادونو ته ولاړل.
بهر هېوادونو ته د ملي مقاومت د جبهې د مشرانو غړیو تر وتلو وروسته په ټولنیزو رسنیو کې د احمد مسعود بیرته راستنېدو په اړه وخت نا وخت ادعاوې کیږي، چې تازه یو وار بیا په ټولنیزو رسنیو کې پنجشیر ولایت ته د احمد مسعود بیرته راتګ په اړه غیر حقیقي ادعا شوې ده.
تاسو کولای شی يو داسې ادعا دلته وګورئ:
په ټولنیزو رسنیو کې د فیسبوک ځیني کاروونکو تازه وار بیا ادعا کړې، چې د ملي مقاومت جبهې مشر احمد مسعود پنجشیر ته راغلی وو.
په هرصورت، د فکټ کریسنډو موندنې ښیي چې پنجشیر ته د احمد مسعود راتګ په اړه د فیسبوک د کاروونکو دغه وروستۍ ادعاوې هم دروغ دي.
راځئ چې د فیسبوک د ادعاوو تر شا حقیقت ومومئ!
د څېړنې میتود:
پنجشېر ته د احمد مسعود د راستنېدو په اړه د ټولنیزو رسنیو دغو ادعاوو په اړه موږ لومړی د باوري رسنیو وروستي راپورونه ولټول او همدا راز مو د احمد مسعود رسمي اکونټونو څخه هم لېدنه وکړه، تر څو پیدا کړو، چې شوې ادعا حقیقت لري او که غیر حقیقي ده.
په هرصورت، پنجشیر ته د هغه د راستنیدو په اړه هیڅ کومې باوري رسنۍ او ویب پاڼې کوم راپور یا خبر ندی خپور کړی او همدارنګه احمد مسعود هم له خپل رسمي اکونټ څخه په دې وروستیو کې پنجشیر ولایت ته یا د افغانستان کومې سیمې ته د سفر کولو په اړه څه ندي ويلي.
د نورو پلټنو لپاره، موږ د فیسبوک په پوسټ کې د تمبنیل لینک کې شریک شوي څلورو عکسونو باندې د ګوګل د عکس العمل لټون پلي کړ او موږ وموندله چې شریک شوي عکس زوړ دی او د احمد مسعود د وروستي لیدنې سره تړاو نلري.
ورته عکسونه د ۲۰۲۱ کال د اګست په میاشت کې د طالبانو له خوا د افغانستان د نیولو او پنجشیر ولایت کې د ملي مقاومت د جبهې د غړو او طالبانو تر منځ د شخړو وروسته د مختلفو خبري ویب پاڼو لخوا شریک شوي وو. دا ښیې چې شریک شوی عکس څو کاله زوړ دی.
تاسو کولی شئ د خبري ویب پاڼې ځینې مقالې ومومئ کوم چې لاندې ورته عکسونه خپاره کړي:
پایله:
له همدې امله له پورتنیو څېړنو څخه څرګنده شوه، چې پنجشیر ولایت ته د احمد مسعود د راستنېدو په اړه د فیسبوک د کاروونکو ادعاوې هم ناسمې دي او هم یې له دغو غیر حقیقي ادعاوو سره پخواني عکسونه کړي.
سرلیک: پنجشیر ولایت ته د ملي مقاومت د جبهې مشر احمد مسعود راستنېدو په اړه ادعاوې حقیقت نلري!
د واقعیت ارزوونکی: Fact Crescendo Teamپایله: False
