په حجاب کې د یوه سړي انځور له طالبانو څخه د ښځو په ملاتړ غونډه کې فوتوشاپ شوی دی

Altered National

په دې وروستیو کې له طالبانو څخه د یو شمېر ښځو د ملاتړ راپورونه ورکړل شوي دي. د ۲۰۲۱ زیږدیز کال د سپټمبر په ۱۱مه شاوخوا ۳۰۰ ښځې چې تور حجابونه یې اغوستي وو، له طالبانو څخه د ملاتړ یوه غونډه یې د کابل د ښوونې او روزنې (شهید برهان الدین رباني) په پوهنتون کې نیولې وه.

له دغې غونډې څخه د یوې ښځې انځور فوتوشاپ شوی دی او د هغې پر ځای د یو نارینه عکس چې ږیره هم لري د طالب په توګه په ټولنیزو رسنیو کې لاس په لاس شوی دی. له دې انځور سره یو ځای ادعا شوې چې ګواکې طالبانو د ښځینه جامو په اغوستلو سره غواړي نړۍ ته دا وښيي چې دوی د ښځو له حقونو څخه ملاتړ کوي او دوی سوله راوړي. 

د تویتر یوې کاروونکې په تویت کې لیکل شوې: « طالبانو د ښځينه جامو په اغوستلو سره غواړي دا ثابته کړي چې دوی د ښځو له حقونو څخه ملاتړ کوي؟ زه دغو ښځو ته حیرانه یم چه پر دوی څه شوې دي؟ زه اوس ګورم چې کم شمېر یې ښځې دي او پاتې نور یې ټول نارینه دي.

آرشیف لېنک

یوې افغانې دیپلوماتې هدیه امیري د دې انځور په خپرولو سره په تویتر کې لیکلې: « آیا څوک شته چې ما ته دا روښانه کړي؟ ولې ښځینه طالبانې ږیره لري؟ یا دوی له حجاب څخه پرته نارینه دي او اوس یې ځانونه د ښځو په توګه څرګند کړي؟ ان په دې طریقه هم طالبانو له ښځو ناوړه ګټه اخلي تر څو خپل ځانونه نړۍ ته بل ډول وښیي.»

آرشیف لېنک

حقیقت موندنه

مونږ د ګوګل انځورونو برعکس څېړنې له لارې پر دې انځور پلټنه تر سره کړه چې په پایله کې یې مونږ په افغانستان کې د طلوع نیوز رییس لطف الله نجفي زاده یو تویت ته یوړه. هغه په تویتر کې لیکلي چې په انځور کې یو شمېر ښځې له طالبانو څخه د ملاتړ په یوه غونډه کې په کابل کې را ټولې شوې دي. مونږ د انځور له ارزونې څخه وروسته وموندله چې په دې عکس کې هېڅ کوم نارینه له ږیري او یا بریتو سره نه لیدل کیږي. 

له دې څخه په واضح ډول ښکاري چې دا عکس اېډیټ شوی دی. 

آرشیف لېنک

دا انځور د سپټمبر په ۱۱مه د خامه پریس له لورې هم خپور شوی دی چې ورسره یې لیکلي د پوهنتون یو شمېر ښځینه محصلانې له طالبانو څخه د ملاتړ په یوه غونډه کې سره راټول شوې دي.

مونږ لاندې دواړه انځورونه چې اصلي او اېډیټ شوي عکسونه دي، له یو بل سره پرتله کړي دي. اصلي انځور داسې فوتوشاپ شوی دی چې خلکو ته ښکاره کړي ګواکې دا چې یو سړی په ښځینه حجاب کې له طالبانو څخه ملاتړ کوي. 

C:\Users\DELL\Desktop\Copy of Horizontal Image Comparison.jpg

له هغه راهیسې چې طالبانو په افغانستان کې واک ته رسیدلي دي، په ټولنیزو رسنیو کې خورا ډېر شمېر ناسم خبرونه شریک شوي دي.

تاسو کولای شئ د دغو ناسمو خبرنو په هکله زمونږ د حقیقت موندنې نور راپورونه د لاندې لېنک په واسطه ولولئ.

پایله

فاکت کرېسیندو دا یې مالومه کړه چې پورتنی انځور ناسم دی. دا انځور په ډیجیتلي بڼه اېډیت شوی دی. په حجاب کې د یوې ښځې دا انځور فوتوشاپ شوی دی، تر څو وښایي چې نارینه ګان غواړي په حجاب کې د ښځو په بڼه له طالبانو څخه ملاتړ اعلان کړي.

Avatar

سرلیک: په حجاب کې د یوه سړي انځور له طالبانو څخه د ښځو په ملاتړ غونډه کې فوتوشاپ شوی دی

د واقعیت ارزوونکی: Fact Crescendo Team 

پایله: Altered

ځواب دلته پرېږدئ

ستاسو برېښناليک به نه خپريږي.