په دې وروستیو کې په عراق کې د امریکا پر سفارت برید نه دی شوی

International Partly False

د ټولنیزو رسنیو یو شمېر کاروونکو په عراق کې د امریکا پر سفارت باندې د برید پخوانی انځور د تازه خبر په توګه خپور کړی دی.

ادعا

د ټولنیزو رسنیو یو شمېر کاروونکو د روان زیږدیز کال د مې او جون په میاشتو کې په عراق کې د امریکا پر سفارت د برید پخوانی انځور بیاځلې خپور کړی دی. دوی ادعا کړې چې ګنې په دې وروستیو کې د امریکا پر سفارت باندې برید شوی دی.

د «تازه خبرونه» په نوم یوې فېسبوک پاڼې د ۲۰۲۱ کال د جون په ۱۸مه لیکلې: «تازه: عراق کې د امريکا په سفارت بريد شوی».

دا خبر له نورو سره ۹۶ ځله شریک شوی دی.

فېسبوک/ آرشیف لېنک

حقیقت موندنه

مونږ پر دغه انځور د ګوګل د انځورونو برعکس پلټنه تر سره کړه. په پایله کې مو وموندله چې دا خبر او انځور پخوانی دی. په عراق کې د امریکا سفارت باندې دا برید په ۲۰۱۹ زیږدیز کال کې د ډسمبر په ۳۱مه د لاریون کوونکو له خوا تر سره شوی وو. قهرجنو اعتراض کوونکو د امریکا د یوې بمبارۍ په غبرګون هغه مهال د امریکا سفارت باندې یرغل کړی وو. امریکا په یوه هوایي بمبار کې د ایران پلوه ملیشې ۲۵ تنه وژلي وو. د دې پېښې په غبرګون کې شعیه پلوه اعتراض کوونکو لومړی د سفارت دروازه یې ماته کړې وه او وروسته یې په اور لګونې باندې لاس پورې کړی وو.

په راپور کې لیدل کیږي چې دا پېښه پخوانی دی

وېبپاڼه/ آرشیف لېنک

پایله

هغه ادعا ناسم ده چې ګواکې په دې وروستیو کې په عراق کې د امریکا پر سفارت باندې برید شوی دی. دا پېښه په ۲۰۱۹ کال کې را منځ ته شوې وه او اوسنی نه دی. قهرجنو لاریون کوونکو د امریکا له خوا د هوایي بمبار په غبرګون کې په عراق کې د دې هېواد سفارت مخې ته اور ورته کړی وو.

Avatar

سرلیک: په دې وروستیو کې په عراق کې د امریکا پر سفارت برید نه دی شوی

د واقعیت ارزوونکی: Fact Crescendo Team 

پایله: Partly False

ځواب دلته پرېږدئ

ستاسو برېښناليک به نه خپريږي.