د ټولنیزو رسنیو کاروونکو د مکې د ننوتلو دروازه یې د مدینې دروازې په توګه خپور کړی دی.
ادعا
د ټولنیزو رسنیو ځیني کاروونکو د مکې دروازې د یوه انځور په خپرولو سره د روان زیږدیز کال د مې په ۲۵مه ادعا کړې چې ګواکې دا مدینې ته د ننوتلو دروازه ده. د «تازه خبر» په نوم یوې فېسبوک پاڼې د دې انځور په خپرولو سره لیکلي: «د مدینې ښار ته د دخول دروازه». دا پست شاوخوا ۲۵ ځله له نورو سره شریک شوی دی. دا فېسبوک پاڼه شاوخوا ۱۲۵ زره لایک یا خوښوونکي لري.
د فېسبوک یوه پاڼه
حقیقت موندنه
مونږ پر دغه انځور د ګوګل او بینګ د انځورونو څېړنه تر سره کړه. په پایله کې مو وموندله چې دا انځور د مکې معظمې د ننوتلو دروازه ده. دا انځور د “Marhabasaudi.com” وېبپاڼې له خوا خپور شوی دی. دې وېبپاڼې لیکلي: « د قرآن دروازې په اړه په زړه پورې معلومات چې دا دروازه مکې ته تللې».
د فېسبوک یوه عرب کاروونکي هم لیکلي چې دا انځور مکې ته د ننوتلو دروازه ده. دا پست شاوخوا ۱۹۰۰ ځله له نورو سره شریک شوی دی.
د مکې په اړه
مکه معظمه د عربستان یو له تاریخي ښارونو څخه ګڼل کیږي. دغه ښار د اسلام د وروستي پیغمبر حضرت محمد د زېږیدلو له امله مشهور دی. دا ښار د مسلمانانو د قبلې له امله مقدس بلل کیږي. له بلې خوا څخه مکه ښار د سره بحیرې په ۸۰ کیلومترۍ کې واقع شوې چې له بحر څخه یې لوړوالی ۳۳۰ مترو ته رسیږي.
