د ۲۰۲۵ کال نومبر میاشتې په ۶مه نېټه د ټولنیزو رسنیو فیسبوک یو شمېر کاروونکو دوه انځورونه په یو فریم کې له دې ادعا سره خپاره کړي، چې ګواکې دا په سپین بولدک کې د افغانستان او پاکستان ترمنځ د تازه جګړې حال دی. خو د فکټ کریسنډو موندنې ښیي، چې له یادو انځورونو یې یو پخواني (د تېرې اکتوبر) میاشتې دی او یو یې بې تړاوه دی.
د بشپړ مطلب او پوهاوي لپاره د فکټ کریسنډو دا څېړنه ولولئ!
لومړی تاسې کولی شئ د ټولنیزو رسنیو فیسبوک کاروونکو یو پوسټ د نمونې په توګه وګورئ. دوی له خپور شوي انځور سره لیکلي: «همدا اوس سپين بولدک کې د پاکستان او افغان ځواکونو ترمنځ سخته جګړه روانه او ډرون هم ګرځي…».
رېښتیا څه دي؟
د ټولنیزو رسنیو فیسبوک یاد شمېر کاروونکو دغه ادعا دروغ ده. له ادعا سره وایرل شوی انځور، چې د دوه انځورونو ګډه ټولګه ده، یو یې پخواني د تېرې اکتوبر میاشتې دی او یو بې د سپین بولدک نه، بلکې د خوست اړوند انځور دی.
موږ ولې وایو، چې د ټولنیزو رسنیو یاد شمېر کاروونکو دغه ادعا دروغ ده؟
موږ پر خپور شوي انځور ګوګل ایمیج لټون پلی کړ او بیا مو په ګوګل کې د شوې ادعا اړوند کلیدي توري هم وپلټل. د پایلو په صورت کې مالومه شوه، چې خپور شوی انځور، چې د دوه انځورونو یوه ټولګه ده، له شوې ادعا سره هیڅ سمون نه خوري.
موږ هر یو انځور په لاندې توګه په نورو ادرسونو کې د شوې ادعا خلاف پیدا کړ، چې تاسې کولی شئ، مشاهده یې وکړئ.
لومړی انځور:
د afghanislamicpress د ۲۰۲۴ کال مارچ میاشت کې دا انځور له یو راپور سره خپور کړی دی او په کپشن کې یې ورسره لیکلي: د افغان او پاکستانی ځواکونو تر منځ نښتې راپاریدلي دي.
د دې تر څنګ شمشماد نیوز هم په خپل یوټیوب چینل باندې د ۲۰۲۴ کال مارچ میاشت کې د افغان ځواکونو او پاکستاني ملېشو ترمنځ خوست کې د جګړې په اړه یو ویډیوي راپور کړی او هلته یې همدا انځور کاروولی دی، چې تاسې په لاندې توګه کتلی او اورېدلی شئ:
دوهم انځور:
دویم انځور، چې د جګړې له امله اور لګېدنه پکې ښکاري تېرې اکتوبر میاشت کې رسنیو د افغان ځواکونو او پاکستاني ملېشو ترمنځ د جګړې له خبرونو سره خپور کړی، خو دا په داسې حال کې ده، چې د ټولنیزو رسنیو کاروونکو بیا ادعا په روانه نومبر میاشت کې کړې ده.
امو ټلوېزیون همدا انځور د تېرې اکتوبر میاشتې په ۱۲مه یو راپور سره خپور کړی او په عنوان کې یې ورسره لیکلي: پاکستان ادعا کوي چې ۲۰۰ طالبان او د هغوی متحد جنګیالي د سرحدي نښتو په ترڅ کې وژل شوي دي.
د South Asia Index رسمي ایکس پاڼې هم په عین تاریخ د همدې صحنې ویډیو خپره کړې، چې تاسې یې په لاندې توګه کتلی شئ.
ارشیف
پایله: د فکټ کریسنډو څېړنو وښودله، چې د ټولنیزو رسنیو فیسبوک یاد شمېر کاروونکو دغه ادعا دروغ ده. له ادعا سره وایرل شوی انځور، چې د دوه انځورونو ګډه ټولګه ده، یو یې پخواني د تېرې اکتوبر میاشتې دی او یو بې د سپین بولدک نه، بلکې د خوست اړوند انځور دی.
سپین بولدک کې د تېرې وروستۍ جګړې په اړه بې تړاوه او پخواني انځوورنه خپاره شوي دي. : TITLE
د واقعیت ارزوونکی: Fact Crescendo Teamپایله:Partly False
