د روسیې او اوکراین تر منځ د جګړې په لړ کې یو شمېر ناسم خبرونه په فېسبوک کې خپاره شوي دي.
په دې وروستیو کې په فېسبوک کې ادعا شوې چې د اوکراین ولسمشر ولادیمیر زیلینسکي د جګړې په لړ کې له خپل هیواد نه تښتیدلی دی.
د ۲۰۲۲ کال د مارچ له ۴مې نیټې راهیسي د اوکراین د ولسمشر د تېښتې خبر په ټولنیزو رسنیو کې خپور شوی دی.
تاسو کولی شئ لاندې ورته یو فیسبوک پوسټ وګورئ:
د فیسبوک پوسټ ادعا کې راغلي:
«اوکراین د روسیې ځواکونو له خو ونیول شو
روسي ځواکونه د اوکراین سترښار کیېف ته ورداخل شو او د اوکراین ولسمشر پولینډ ته وتښتیده.»
د حقیقت پلټنه
د فاکټ کریسینډو موندنې ښیې چې د اوکراین ولسمشر ولادیمیر زیلینسکي له خپل هیواده نه دی تښتیدلی لکه څنګه چې په ټولنیزو رسنیو کې ادعا شوې.
د ۲۰۲۲ کال د مارچ په ۵مه نېټه، د دې خبر له خپریدو وروسته ښاغلي زیلینسکي په خپل انسټاګرام پاڼه کې له خپل دفتر څخه یوه وېډیو خپره کړه. هغه د ویډیو په تفصیل کې دا هم لیکلي چې نوموړی په کییف کې په خپل مرکزي دفتر کې شتون لري. ولسمشر زیلینسکي ومنله چې د هغه په ګډون هېڅوک له اوکراین څخه نه دی تښتیدلی.
په دې وروستيو کې د ۲۰۲۲ کال د مارچ په ۵مه نېټه، د هند – ټایمز خبري ویب پاڼې په یوه راپور کې تایید کړی چې د اوکراین ولسمشر ولادیمیر زیلینسکي نه دی تښتیدلی او په خپل هیواد کې شتون لري.
مخکې فیکټ کریسینډو دري هم د اوکراین د ولسمشر ولادیمیر زیلینسکي د تېښتې په اړه ناسم خبرونه ارزولي دي.
پایله
له پورتنیو څېړنو څخه څرګنده شوه چې شریکه شوې ادعا ناسمه ده او د اوکراین ولسمشر ولادیمیر زیلینسکي له خپل هېواده نه دی تښتېدلی.
سرلیک: د اوکراین ولسمشر له خپل هېواده نه دی تښتېدلی
د واقعیت ارزوونکی: Fact Crescendo Teamپایله: False
