د کریسټیانو رونالډو (دا که هغه) غوراوي یوې ویډیو سره د ټولنیزو رسنیو یو شمېر کاروونکو ادعا کړې، چې ګني دې ویډیو کې رونالډو د خپلې خوښي کرېکټ لوبغاړي غوره کړي. خو دا چې اصلي ویډیو کې رونالډو د څه شي ترمنځ د (دا که هغه) غوراوی کړی، د فکټ کریسنډو په دې کتنه کې یې ولولئ!
لومړی تاسې کولی شئ د ټولنیزو رسنیو یو شمېر کاروونکو له لوري د شوې ادعا پوسټونو څو بېلګې په لاندې ډول مشاهده کړئ:
دوی له دې ویډیو سره لیکلي، چې «د رونالډو د خوښې لوبغاړي» مانا دا ده، چې ګواکې دغه ویډیو کې رونالډو خپل د خوښې کرېکټ لوبغاري په ډاګه کړي.
رېښتیا څه دي؟
د فیسبوک یو شمېر کاروونکو له لوري د رونالډو دغه خپره شوې ویډیو ایډیټ شوې ده او د کرېکټ لوبغاړو انځورونه پکې ور زیات شوي دي. اصلي ویډیو کې رونالډو د کرېکټ لوبغاړو ترمنځ غوراوی، نه بلکې د ورزش لوبو او د خپل (Idols) غوراوی کوي.
موږ ولې وایو، چې رونالډو په دې ویډیو کې د کرېکټ لوبغاړو غوراوی ندی کړی؟
موږ لومړی د رنالډو له رسمي اکونټونو څخه لېدنه وکړه، چې دغه ویډیو مو د نوموړي په رسمي یوټیوب چینل کې پیدا کړه. نوموړي له دې ویډیو سره لیکلي: (Nadal or Djokovic? Box or UFC? NBA or NFL? These are my passions).
همدا ویډیو په ټیک ټاک کې هم ډېره نشر شوې، چې د (GOAL ARABIA) په نوم ورزشي رسمي اکونټ څخه هم خپره شوې او هلته یې تاسې مشاهده کولی شئ:
پایله:
د فکټ کریسنډو موندنو وښودله، چې د یو شمېر ټولنیزو رسنیو کاروونکو له لوري پورته خپره شوې ویډیو ایډیټ شوې ده او د کرېکټ لوبغاړو انځورونه پکې ور زیات شوي دي. اصلي ویډیو کې رونالډو د کرېکټ لوبغاړو غوراوی، نه بلکې د ورزش لوبو او د خپل (Idols) غوراوی کوي.
دې ویډیو کې رونالډو (په دا که هغه) غوراوي کې د کرېکټ لوبغاړي نه، بلکې د خوښې لوبې او (Idols) غوره کوي. : TITLE
د واقعیت ارزوونکی: Fact Crescendo Teamپایله: False
