که څه هم ایران نده منلې، چې دوی په دا وروستیو کې ګڼ شمېر افغان کډوال وژلي وي، خو د راپورونو له مخې د ۲۰۲۴ کال اکتوبر په ۱۵ د ایران په کلګان سیمه کې ایراني ځواکونو په ډله ییزه توګه له ۲۶۰ څخه تر ۳۰۰ افغان کډوال وژلي. د دې پېښې په اړه د ټولنیزو رسنیو یو شمېر کاروونکو پخوانۍ او بې تړاوه ویډیوګانې او انځورونه خپاره کړي. د ټولنیزو رسنیو ځینو کاروونکیوه د اسټریا (ویانا) ښار یوه ویډیو چې په هغې کې ښکاري یو شمېر خلکو د اعتراض په توګه د مړو بوجۍ اغوستي، اوس په ټولنیزو رسنیو کې له دې ادعا سره خپریږي، چې ګواکې په ایران کې د وژل شویو افغان کډوالو ده او له ډلې یې یو مړی را ژوندی شوی دی.
تاسو کولۍ شۍ داسې يو فېسبوک پوسټ دلته وګوری؛
د فېسبوک کارکوونکي ادعا کړې ده ”په ایران کې د ۳۰۰ وژل شوو افغانانو جسدونه بیا را ژوندي شوي.”
خو دغه ویډیو د ایراني ځواکونو له خوا د افغانانو د ډله ییزې وژنې له پیښې سره هیڅ تړاو نه لري او په اصل کې ویډیو په ۲۰۲۲م کال کې په اسټریا ویانا کې د اقلیم د اعتراض برخه وه.
د حقیقت څېړنه:
د ایراني ځواکونو له خوا د افغان کډولو ډله ییزې وژنې په اړه ډیرو رسنیو راپورونه ورکړي، خو افغان حکومت (طالبانو) د دې موضوع د څېړنې خبر ورکړی او ایران بیا د فغان کډوالو ډله ییزې وژنې دا ادعا رد کړې ده.
موږ د ویډیو په کلیدي برخو (سکرین شاټونو) د ګوګل د عکس العمل لټون پلي کړ او وموندله چې ویډیو په حقیقت کې څو کاله پخوانۍ او بې تړاوه ده.
موږ وموندله، چې د دغې صحنې ویډیو راپور د OE24 نومې یو خبري چینل له لوري په ۲۰۲۲ کې خپور شوی دی، چې د دوی د راپور له مخې دا یوه اعتراضي ویډیو وه.
پایله
له پورتنیو څېړنو څرګندیږي، چې دغه ویډیو په ډله ییز ډول د افغان کډوالو په وروستۍ موضوع پورې هیڅ تړاو نلري، بلکې دا ویډیو په ۲۰۲۲ کال د اسټریا په ویانا ښار کې د اعتراض کوونکو ده.
