هند او افغانستان له اوږدې مودې راهیسې، تاریخي، کلتوري او سیاسي اړیکې لري، خو د طالبانو د دویم رژیم له راتګ وروسته د دواړو هېوادونو اړیکي بیا پام اړوونکي دي. که څه هم دا اړیکي تر ډېره ټینګي ښکاري، ولې هند تر اوسه کوم چمتوالی ندی څرګند کړی، چې د طالبانو دویم رژیم ته د رسمیت پېژندلو لېوالتیا دې په کې وي. له طالبانو سره د هند اړیکي هرو مرو ده، چې د سیمه ییزې سیالۍ، ملي او سترو ګټو په نیاد دي.
د پام وړ وروستي ډیپلوماتیک اقدام کې، د هند د بهرنیو چارو په وزارت کې ګډ سکرتر، جي پی سینګ د ۲۰۲۴ کال د نومبر په ۴-۵ کابل ته د یوه رسمي هندي پلاوي مشري وکړه. دغه پلاوي د افغانستان د دفاع سرپرست وزیر ملا محمد یعقوب، د بهرنیو چارو وزیر امیر خان متقي او پخواني افغان ولسمشر حامد کرزي په ګډون د طالبانو له مهمو مشرانو سره هم لیدلي دي. دا غونډه په ۲۰۲۱ کال کې واک ته د طالبانو له راستنېدو وروسته د یوه هندي ډیپلوماټ او د طالبانو د مشرتابه ترمنځ لومړنۍ رسمي خبرې اترې وې.
له دیپلوماتیکو لیدنو وروسته طالبانو اکرام الدین کامل په ممبۍ کې د خپل سرپرست قونسل په توګه وټاکه. کامل، چې په نوي ډیلي کې د جنوبي اسیا له پوهنتون څخه یې پی ایچ ډي کړې ده، په هند کې د طالبانو د لومړني رسمي استازي په توګه وړاندې شوی، چې د هند حکومت له خوا تر غور لاندې دی، او تر اوسه یې رسمی پیژندنه نه ده شوې.
د هند حکومت په رسمي ډول د طالبانو د حکومت او یا د قونسلګرۍ د ټاکلو په اړه څه نه دي ویلي. خو د هند د بهرنیو چارو وزارت ویاند ویلي چې د پلاوي په خبرو کې له افغانستان سره د هند د بشري مرستو او د ایران له چابهار بندر څخه د افغان سوداګرو د استفادې په اړه بحثونه شامل دي. هندي رسنیو خبر ورکړی، چې طالبانو د ممبۍ په قونسلګرۍ کې د خپل نوماند د “دوهم سکرتر” په توګه د ټاکلو غوښتنه کړې ده.
د طالبانو سره د هند وروستي ډیپلوماتیکي ښکیلتیا د جنوبي آسیا د پیچلي جیو پولیټیکل منظرې د نیولو لپاره یو عملي چلند منعکس کوي. په داسې حال کې چې رسمي دریځ پر خپل ځای پاتې دی، خو مخ پر ودې اړیکې په افغانستان کې د هند د ستراتیژیکو ګټو د ساتنې لپاره له طالبانو سره د خبرو اترو لېوالتیا په ګوته کوي. دا پرمختګونه د هند او طالبانو تر منځ د راتلونکو تعاملاتو د څارنې اهمیت په ګوته کوي، ځکه چې دا به د سیمه ایز امنیت او ډیپلوماسۍ لپاره د پام وړ اغیزې ولري.
کلیدي کلمې: هند, افغانستان, طالبان, دیپلوماتیکې اړیکې, چابهار, بشري مرستې.
د طالبانو له راتګ وروسته د هند او افغانستان په دیپلوماتیکو اړیکو کې وروستي پرمختګونه؛ : TITLE
د واقعیت ارزوونکی: Fact Crescendo Teamپایله: Insight
