افغانستان د ۲۰۲۱ کال د اګست په میاشت کې د امریکايي ځواکونو له وتلو او د ۲۰۲۱ کال د اګست په ۱۵ مه د طالبانو د واکمنۍ له اعلان وروسته د واک د ستر انتقال شاهد وو.
د ۲۰۲۱ کال په اګست میاشت کې په افغانستان کې د طالبانو له واکمنۍ وروسته د امرالله صالح او احمد مسعود په مشرۍ د طالبانو او مقاومتي ځواکونو ترمنځ سختې نښتې وشوې.
یو ځل بیا په پنجشیر او د افغانستان په یو شمېر نورو ولایتونو کې د طالبانو او مقاومتي ځواکونو ترمنځ د نښتو راپورونه دي. خو له دې سره سره، یو شمېر ناسم معلومات هم د ټولنیزو رسنیو کاروونکو ترمنځ خپریږي او شریک کیږي.
په ټولنیزو رسنیو کې دوه پخواني عکسونه په پراخه کچه له دې ادعا سره شریک شوي چې د بغلان ولایت د شینوارو ولسوالۍ د مقاومت ځواکونو نیولې ده.
تاسو کولی شئ لاندې فیسبوک پوسټ وګورئ:
په فیسبوک کې ادعا شوې چې د بغلان ولایت د شینوارو ولسوالۍ په بشپړه توګه د مقاومت ځواکونو او سمیع سعادت له خوا نیول شوې ده. د فېسوک پسټ ادعا له مخې، طالبان له جګړې وروسته تسلیم شوې او ولسوالۍ یې پرېښې.
خو د فاکت کرېسینډو موندنې ښيي چې دا انځورونه پخواني دي او په بغلان ولایت کې د شینواری په نوم ولسوالۍ شتون نه لري.
د حقیقت پلټنه
د دې لپاره چې د فېسبوک ادعا او شریک شوي عکسونو تر شا حقیقت ومومو، موږ په دواړو شریک شویو عکسونو باندې د ګوګل برعکس پلټنه تر سره کړه.
د پلټنو په پایله کې مو وموندله چې دا عکسونه پخواني دي او په افغانستان کې د کومې وروستۍ پېښې پورې تړاو نه لري.
لومړی عکس:
لومړی عکس د تیر کال راهیسې په انټرنیټ کې خپور شوی دی. د فیسبوک او ټویټر ځینو کاروونکو دا عکس تېر کال شریک کړی وو.
دوهم عکس:
دوهم عکس هم پخوانی دی. دا عکس په ۲۰۲۱ کال د جنورۍ پر ۳۰مه د تېر حکومت د دفاع وزارت پخوانی ویاند فواد امان له خوا په تویتر کې خپور شوی دی.
ده لیکلي:
” افغان امنیتي ځواکونو او ولسي پاڅون کوونکو د پروان ولایت د شینوارو ولسوالۍ د یو لړ چاڼیزو عملیاتو په ترڅ کې بېرته ونیوله. طالبانو ته درنه مرګ ژوبله اوښتې او له ولسوالۍ څخه تښتېدلي دي. د هغوی وسلې او مهمات د افغان امنیتي ځواکونو لاسته ورغلي دي. ”
نو له دې څخه څرګندیږي چې دواړه انځورونه پخواني دي او په افغانستان کې د کومې وروستۍ پېښې پورې اړه نه لري.
پایله
له پورتنیو څېړنو څخه څرګندیږي چې شریک شوي عکسونه پخواني دي. د شینوارو ولسوالۍ په بغلان ولایت کې شتون نه لري، هغه څه چې په فېسبوک پوسټ کې یې د سقوط ادعا شوې.
عنوان: د مقاومت ځواکونو او طالبانو جګړه؛ د یوې ولسوالۍ د سقوط ادعا په تړاو پخوانی انځور شریک شوی
بررسی واقعیت توسط: Fact Crescendo Teamنتیجه: False
